Engeri ekitongole kya SK Charity Foundation gye kiyambyemu abaana abatalina mwasirizi mu Greater Masaka

ABAANA abawerera ddala 2201 abatalina mwasirizi mu kitundu kya Greater Masaka omwaka guno bongedde okufuna essuubi ly’okusomako oluvanyuma lw’ekitongole kya SK Charity Foundation okuvaayo okubaddukirira ne bisale bye ssomero.

Ekitongole kino tekikoma kukusasulira baana bisale bya massomero byokka, wabula kuliko ne bigenderako omuli okubagulira emifaliso, ebitabo, emmere, ssukaali nga kwotadde ne ntambula buli omu emutuusa ku ssomero gy’alina okusomera.

Salim Kisekka nga ye mutandisi wa SK Charity Foundation agamba nti kino yakikola okusobola okuzaamu esuubi eri emiti emito, nabo babeeko kye babeera mu biseera by’omumaaso saako n’okukyusa ebitundu gye bava.

Abamu ku baana abawererwa SK Charity Foundation ku Watoto primary school e Bukomansimbi

Agamba nti ekitundu kye Masaka okuva lwe kyakosebwa ennyo obulwadde bwa mukenenya mu myaka gya 1990, ekitundu kino tekiddangamu kudda ngulu, era nga kilina bamulekwa bangi, nga kwotaddde n’obwavu obuyitiridde mu bazadde nga tebasobola kuwerera baana baabwe kusukka kibiina ky’amusanvu.

“Ekituufu abazadde abali mu kitundu kino abasinga be baana bamulekwa abafiirwako bazadde baabwe nga bakyali  bato, ekitegeeza nti tebaasobola kusoma kugenda wala, nga kino kye kimu ku kivuddeko n’abaana be bazadde nano okukosebwa mu ngeri yeemu.

Ogenda okwesanga nga abazadde yadde baabalekera ebibanja ebinene naye olw’okuba baali bakyali bato nga tebasobola kubilabirira, abasinga kubo baabitunda  ne bafunamu obusente obutono obutalina kye bwabayamba.

Hanipher Nakizito omu ku baana bamulekwa abasomesebwa SK Foundation okuva e Kigangazzi Bukomansimbi

Bwe nakizuula nti eno yeemu ku nsonga lwaki embeera eri bweti mu kitundu gye nzaalibwa, ate nga nange ndi omu ku baakosebwa embeera eno, kwe kusalawo mbeeko kye nkola okusobola okukyusa ekitundu nga mpita mu kusomesa abaana.

Natandika mpola okuyambako nga omuntu era nagenda okulaba nga omuwendo gw’abalina obwetaavu gweyongera buli kadde, kwe kusalawo noonye ku buyambi okuva mu mikwano gyange nabo banyambeko tusobole okusitula omutindo gwa baana ne by’enjigiriza mu Greater Masaka.

Steven Njuki ne Joseph Lwera abasuulibwawpo bakadde baabwe nabo bayambibwako SK Foundation mu ssomero lya St. George Kitanda SS Bukomansimbi

Tulina amassomero ge tukolagana nago agawerera 20 okwetoloola  Masaka eyawamu, era nga eno gye tusasulira abaana ebisale bye ssomero saako n’okubalabirira mu bulamu obw’abulijjo, tubagulira ebitabo, emifaliso, ebitanda kwe basula, emmere, ssukaali, Transport saako ne ka pocket Money.

Entekateeka ya SK Charity Foundation tetukoma ku mutendera gwa Primary na secondary, kyokka tubatwalira ddala ne mu matendekero agawaggulu  ne bakuguka mu massomo ag’enjawulo ku ddaala elya Degree ne Diploma.

Abayizi ba Comprehensive Bajja nga baaniriza munaabwe Abdalazak Kalyesubula omu ku baakola obulungi nga ayambibwako SK Charity Foundation

Tweyongerayo okubagoberera nga bamaze okusoma ne tubafunira ne mirimu mu bitongole eby’enjawulo ne bakola emirimu basobole okukyusa obulamu bwabwe, obw’abazadde baabwe saako ne bato baabwe” Kisekka bwe yagambye.